Public Hearing: Proposed Comprehensive Land Use Plan/Zoning Ordinance 2021-2030

Pila ka tinuig na ang nagligad sang ulihi nga ma-update ang CLUP sang Roxas City.

Gintinguhaan sang aton administrasyon nga subong nga tuig maaprubahan ang updated CLUP para sa masunod nga 10 ukon 15 ka tuig. Ginhiwat ta subong nga hapon ang Public Hearing agud mapamatian ang concerns sang nagkalain-lain nga sektor nga importante sa pagpasar sini nga plano.

Amon ginapasalamatan ang tanan nga nagtambong bangud ang ila presensya palatandaan nga sila nagaupod sa aton handum para sa pag-umwad sang Roxas City.

Importante para sa aton nga ma-update kag mapasar ini nga CLUP agud abanse nga mapreparahan kag maplanuhan ang palaabuton. Indi naton gusto nga pas-anon sang aton kabataan ang mga problema nga mahimu tugahon kon kita indi maghulag subong kag wala nag-obra sang aton obligasyon.

Kalakip sa aton ginplastar ang Development Thrusts/Strategies sa Road Network, Commercial Development, Information and Communications Technology Development, Coastal Area Management, Agro-Industrial Development, Sustainable Agriculture Development, Tourism, Heritage and Cultural Development, Forest Protection, Ridge to Reef Framework, Spacial Strategy, Zoning Ordinance Policies kag madamo pa.

Salamat sa pagtrabaho sang Technical Working Group, City Planning and Development Office, Sangguniang Panlungsod sa pagpanguna ni Vice Mayor Inday Teresa Almalbis, SP Chairman Committee on Zoning and Land Use Atty. Paul Baticados kag mga Department Heads bangud subong yari na kita sa Final Stage sang pag-aprubar sang CLUP.

Nagtambong sa aton public Hearing ang representante sang nagkalain-lain nga ahensya kaangay sang DHSUD, BFAR, DENR-PENRO, DEPED, DPWH, PPDO, LGU Panay, Panit-an kag Ivisan subongman private sector kag nagkalain – lain nga asosasyon.

0 Comments

There are no comments yet

Leave a comment

Your email address will not be published. Required fields are marked *