Nagtambong kita kaina via Zoom sa ginhiwat nga Infrastructure Development Committee Special Meeting sang Regional Development Council sa pagpanguna sang amon Chairperson nga si Iloilo City Mayor Jerry Trenas.
Gintalakay sini nga sinapol ang Infrastructure Projects kag Disaster Resilience sa Isla sang Panay subongman Rehabilitation and prevention measures sa tion sang natural nga kalamidad subongman report sa halit nga gindala sang bagyo nga Paeng sa rehiyon.
Diri nahatagan kita kahigayunan nga mapaabot sa konseho ang aton hingyu nga malakip sa multi-year project ang Panay River Flood Control Project. Kita magapadala man sang separado nga sulat sa DPWH Region VI angut sini nga proyekto bangud importante ini sa immediate intervention and mitigation measures agud malikawan na ang pagluntad sang malapnagon nga baha sa Roxas City kag Capiz sa palaabuton.
Gin-aprubahan man sang Infrastructure Development Committee ang ginaduso nga DPWH projects for rehabilitation sa Region VI nga nagabalor sang P1.782-B nga ila iga-endorso sa gobierno nasyunal.
