ROXAS CITY daug kita sa DICT Best Digital Governance Awards 2022!

Ang Automated Collection Management Information System (ACMIS) nga entry sang Roxas City Government gindeklarar nga CHAMPION sa Government Internal Operations (G2G) Category.

Indi lang ini basta award, pagkilala ini sa pagtinguha naton pinaagi sa aktibo nga ICT Department agud mangin DIGITAL CITY kita, centralized kag konektado ang mga datus kag sistema sa tagsa ka talatapan kag frontline service providers. Napadasig kag napahupos naton ang dalagan sang business permit kag pagbayad sang real property tax paagi sa automation system. Paagi sini nangin mahupos man ang pagdul-ong sang serbisyo sa pumoluyo kag nasiguro naton nga matinlo, wala korapsyon ang pagpadalagan sa kada talatapan sa City Government.

Nagdaug pa gid kita sang Special Award bilang DGA 2022 Huawei Winner matapos aton makuha ang pinakamataas nga puntos sa resulta sang nagkatuhay nga category.

Congratulations ICT Team for a job well done! First time nga nakabaton sini nga award ang Roxas City. Salamat sa pagkilala sa amon inisyatibo Department of Information and Communications Technology (DICT), Department of Interior and Local Government kag National ICT Confederation of the Philippines (NICP).

Upod ang ICT CHAMPION Team Mr. Richard Delos Reyes, Rommel Sario, City Government Assistant Department Head Ronald Amigo kag Mr. Gary Adonay pormal namon nga ginbaton ang award sa ginhiwat nga Digital Governance Awards Awarding Ceremony sa National Museum of Natural History sa pagpanguna ni DICT Undersecretary on ICT Industry Development Jocelle Batapa-Sigue, NICP President Mary Joy Abueg kag DICT ICT Industry Development Bureau Director Emmy Lou Delfin.

Leave a Reply

Your email address will not be published. Required fields are marked *