Nagbisita sa aton talatapan si Roxas City Police Chief PLTCOL Aaron Palomo kag iban pa nga opisyal sang kapulisan sa syudad. Sa una nga tion subong nga bag-ong tuig amon naman gin-istoryahan ang mga tikang agud mas mapasangkad ang pagbantay sa peace and order sang syudad.
Ginkuha ko man ini nga kahigayunan nga magpasalamat sa ila nga serbisyo kag pagtrabaho agud mapabilin ang kalinong kag katawhay sa Roxas City sa nakaligad nga tuig kadungan sang pagpasalig sang mabakud nga suporta sang City Government sa mga kinahanglanon sang ila ahensya.
