Roxas City receives free Packetworx Emergency Response Devices to improve city’s capacity in Disaster monitoring and Response

Ang Roxas City nangin resipyente sang libre nga LoRaWan-connected flood censors, smoke kag air quality sensor device nagikan sa Packetworx, ang network provider sang Internet of Things (IoT) kag Jandrickxan Trading and Marketing Corporation.

Ini nga Packetworx systems kag device nga gintugyan sa aton sang nagligad nga semana nanday Jandrickxan Trading and Marketing Corporation President and CEO Nerissa B. Flores kag Hilate Guerra Sales Manager sang Packetworx makabulig sa pagpasangkad sang Emergency Response kag Disaster Preparedness sang aton Operation Center agud malikawan ang mas dako nga halit nga tugahon sang mag-abot nga kalamidad.

Kalakip sa ila gintugyan kag aton amo ang flood censor device nga makabulig sa madasig nga monitoring sa lebel sang tubig sa tion nga mabaskog ang ulan ukon may bagyo, Air Quality /Level Sensor Device para sa sa pagmonitor sang level sang Carbonmonoxide kag Smoke Sensor Device para madetect kon may sunog ukon nagaibwal nga kalayo sa isa ka edipisyo subongman IoT Gateway device nga magarecord sang impormasyon gikan sa aton mga early warning devices.

Gin-umpisahan na sang CDRRMO ang pag-install sini. Kalakip sa mga lugar nga aton ginpahamtangan sang nasambit nga sensor devices amo ang Panay River kag Hortus Botanicus.

0 Comments

There are no comments yet

Leave a comment

Your email address will not be published. Required fields are marked *