Magasalang na sa masandukot nga hinampang sa Western Visayas Regional Athletic Association Meet 2023 ang aton mga atleta umpisa Abril 26 tubtob 29 sa Aklan.
Kaina naghiwat kita sang Official Send-off sa 145 ka atleta sang Roxas City nga kabahin sa delegasyon sang Capiz sa WVRAA upod si Roxas City Schools Division Superintendent Dr. Roel Bermejo. Kadungan sini aton gintugyan sa ila ang tig – 5,700 pesos nga allowance agud mapabatyag naton sa ila nga ang syudad ara sa ila likod nagasuporta.
Sa tanan nga atleta sang Roxas City kag Capiz, kaupod ninyo kami sa pagpangamuyo para sa kadalag-an sa isports nga inyo nahamut-an kag matuman ang handum nga makahakot sang medalya kag maghatag kadungganan sa aton pinalangga nga syudad kag probinsya.
Good Luck!
