Dako nga halit sa mga mangunguma kag mangingisda ang bagyo nga Agaton sang nagligad nga tuig. Gani ang Department of Agriculture pinaagi sa Survival and Recovery ukon SURE program sang Agricultural Credit Policy Council nagtugyan sang loan sa mga interesado nga mangunguma kag mangingisda nga naapektuhan sang bagyo.
Kaina sa bulig sang City Agricultures Office, 216 tanan ka mangunguma kag mangingisda pati na ang pila ka fish vendors ang naka-avail sang tig-10 mil pesos nga loan nga ila pagagamiton sa ila pangabuy-anan. Pagabayaran nila ini kada cropping sa sulod sang tatlo ka tuig kag wala sang interes.
