Roxas LGU inspects 1st day Face to Face classes at PMRMIS South & PMRMS North

Sa umpisada sang Face to Face classes ginpakamaayo namon nga mag-bisita sa pila ka mga eskwelahan sa Roxas City agud personal nga hibaluon ang ila sitwasyon, masiguro nga luwas ang mga kabataan sa pagbalik eskwela kag mahibaluan ang mga mayor nga problema kag kinahanglanon nila nga sarang naton mabuligan.

Una namon nga ginpadulungan ang President Manuel Roxas Memorial Integrated School South (PMRMIS). Sunu kay Ms. Irene B. Billones, Principal III, problema nila ang pagpakay-o sang guba nga mga porsyon sang Gabaldon Building kag madulom nga hallway subongman kakulangan sang mga kagamitan nga kinahanglan sa maayo nga pagtulun-an sang kabataan.

Gindiretsuhan man namon ang PMRMS – North sa pagpamuno ni Ms. Mary Ann C. Martinez, Principal III. Diri may duha ka classrooms nga wala na ginagamit bangud nasunog. Sila nagapangayo bulig nga ini mapakay-o.

Ang ila mga concerns aton hatagan atensyon kag talakayon ang paghatag solusyon sa masunod nga meeting sang Local School Board.

Upod ko sa pag-inspeksyon sanday DepEd Roxas City Schools Division Superintendent Dr. Roel Bermejo, Chief Education Supervisor Dr. Nerissa Recente, Vice Mayor Inday Teresa Almalbis, City Councilors Paul Baticados, Koks Chu, Pip Acepcion, Jaime Altavas, Rey Magallanes, Earl Sicad, City Health Officer Dr. Lory Cahilog, CDRRMO Head Pong Saneo, City Engineer Antonio Amoroso, Roxas City Police Chief PLTCOL Aaron Palomo, Traffic Management Unit, Highway Patrol Group kag LSB Secretariat.

-MAYOR RONNIE DADIVAS

0 Comments

There are no comments yet

Leave a comment

Your email address will not be published. Required fields are marked *