Senator Bong Go extends Financial Aid to Typhoon and Flood Victims in Roxas City

Sang nagligad nga bagyo, naglab-ot sa 3,054 ka pamilya sa Roxas City ang tuman nga naapektuhan bangud sa pagtaas sang baha. Akon gid ginapasalamatan si Senator Bong Go sa pagsabat sa aton panawagan nga buligan ang mga kasimanwa naton nga biktima sini nga kalamidad.

Subong nga adlaw iya gid ginpangunahan ang una nga batch sang distribusyon sang ayuda nga iya ginhingyu sa DSWD, ang tig-5,000 para sa totally damaged homes kag 3,000 sa partially damaged houses sa Barangay Adlawan, Loctugan kag Liong nga naglab-ot sa 1,229.

Magluwas sini akon man ginapasalamatan ang ginhatag niya nga Educational Assistance sa 200 ka Senior High School Students sang syudad pinaagi sa talatapan ni Board Member Thea Faith Reyes.

Nagbaton man sang food packs kag iban pa nga papremyo, wheelchair kag iban pa nga regalo ang pila sa mga benepesaryo.

Magapadayon ang distribusyon sang ayuda sa masunod nga mga inadlaw.

-MAYOR RONNIE DADIVAS

0 Comments

There are no comments yet

Leave a comment

Your email address will not be published. Required fields are marked *