14 ka kabarangayan sa Roxas City ang nagpatigayon sang Barangay Assembly subong nga Domingo para sa una nga semester sang tuig 2023.
Kabahin sa mga barangay nga dungan naghiwat sang assembly ang Barangay Bago, Balijuagan, Banica, Barra, Baybay, Bato, Cabugao, Cagay, Culajao, Gabuan, Lawaan,Tanque, Barangay V, kag Barangay IX.
Diri nahatagan opurtunidad ang pumoluyo nga mahibaluan ang ginahimu sang ila opisyales para sa ikaayo sang barangay. Nagpadala man ako sang representante sa kada barangay agud magreport sa pumoluyo sang aton mga programa kag magpamati sang ila sentimyento ukon mga concerns para sa mahatagan sang nagakaigo nga aksyon.
