Dulungan nga naghiwat sang Barangay Assembly kaina sang aga ang pila ka kabarangayan sa Roxas City.Kalakip diri ang Barangay Dayao, Barangay X, Bolo, Punta Tabuc, Loctugan, Lonoy, Cogon, Barangay 1, Barangay III kag San Jose.
Subong nga hapon nakaschedule man ang Dinginan, Tanza Barangay II kag XI.
Gintinguhaan ko nga makalibot kag magpadala sang representante sang City Government sa kada barangay agud mapaabot sa pumoluyo ang kada programa sang syudad. Diri aton man ginhingyu ang ila suporta kag kooperasyon sa aton lihuk kaangay nalang sa pagkontrol kag pagtapna sa paglapta sang ASF virus sa Roxas City.
Importante nga makigbahin ang pumoluyo sa mga asembliya sa barangay agud mahibaluan ang ginahimu sang aton mga opisyales kag mangin updated sa mga programa sang barangay kag sang aton syudad.
