Sinadya na sa Roxas City!
Una nga aktibidad sa pagbukas sang aton selebrasyon ang Thanksgiving Mass sa Immaculate Conception Metropolitan Cathedral agud hatagan pasidungog ang aton Mahal nga patron Immaculada Concepcion dungan sang pagpangayo sang iya pag-ubay para sa madinalag-on kag matawhay nga selebrasyon.
Ini ginsundan sang Opening Salvo sa Roxas City Bandstand nga gintambungan sang mga City Officials, Barangay Officials kag sang Musa sang Immaculada Concepcion, Ms. Erika T. Vinculado. Nagpakig-upod man sa aton selebrasyon si Board Member Thea Faith Reyes nga nagrepresentar sa gobierno probinsyal.
Tion na ini sang aton pagselebrar pagkatapos sang duha ka tuig nga pagpangatubang sang mga pagtilaw. Tion man ini sang pagpasalamat sa Mahal nga Diyos kag mga indibidwal nga nangin katuwang naton agud malampuwasan ang krisis.
Kadto na sa Roxas City, Sinadya ta!
