Ang Sangguniang Kabataan Pederasyon ng Roxas City naghiwat sang SK Forum for YOU sa SM City Roxas angut nagapadayon nga selebrasyon sang Linggo ng Kabataan 2022. Nangin speakers sa nasambit nga forum ang pila ka young professionals kag outstanding youth leaders kag estudyante sang Roxas City nga nagpakigbahin sang ila mga istorya sang kadalag-an kag mga inagihan nga magaserbi nga inspirasyon sa iban agud magtimakas.
Kalakip sa mga nagtambong ang mga SK Chairpersons kag ila konseho sa kabarangayan, VAWC Officers, ginikanan kag pila ka barangay officials. Nagrepresentar sa akon sa sini nga aktibidad ang akon anak nga si Miguel Dadivas nga nagpaabot sang akon mensahe kag panawagan sa tanan nga magtingob kag magbinuligay para sa kaayuhan sang aton komunidad kag buas-damlag sang mga kabataan.