Isa ka maayo nga balita ang personal nga ginpaabot sa akon ni Senator Bong Go sa iya pagbisita diri sa Capiz subong nga adlaw.
Ang Roxas City nakalinyada naman nga pahamtangan niya sang Super Health Center Project pinaagi sa Department of Health. Kabahin kita sa 322 ka lugar sa Pilipinas kag 8 ka lugar sa Capiz nga butangan sini subong nga 2023 lakip diri ang President Roxas, Jamindan, Mambusao, Pilar kag Sigma subongman Panay kag Panitan nga naghiwat sang Ground Breaking subong.
Plano naton nga ipabutang ang Super Health Center sa 9-Star barangay nga malayo gid sa sentro sang syudad agud may malapit na nga kaladtuan ang pumoluyo nga nagakinahanglan sang atensyon medikal. Pwede ini pahamtangan sang birthding clinic, laboratories, dental kag iban pa nga posible ibutang nga health services.
Salamat Senator Bong Go.
-MAYOR RONNIE DADIVAS
