TAMPAD NGA PAGNEGOSYO SA TATC SIGURUHON
Luyag naton masiguro nga maayo kag insakto ang pagbaligya sa Teodoro Arcenas Trade Center.
Sini nga aga, nagpatigayon liwat sang inspeksyon ang TATC Management sa mga kilohan sa sulod sang merkado. May 62 ka kilohan nga depektibo sila nga nakumpiskar nga ang kalabanan yara sa fish section kag ini tanan gilayon nga ginpa-calibrate.
Indi naton gusto nga magpadayon ini nga istilo sang pagdinaya sa pagbaligya. Ginapanugyan sa tanan nga manugbaligya nga mangin tampad sa ila mga customer bangud sila pareho man ninyo nga nagabakas sa pangabuhi. Siguruhon ang integridad sa inyo trabaho kag may respeto sa isigkatawo agud padayon ang matalunsay nga pagnegosyo sa aton merkado publiko.
