Sa katapusan nga adlaw sang pagtrabaho sang aton mga TUPAD Fisherfolk Beneficiaries sa Dumolog isa ka proyekto ang aton ginhingyu nga ila obrahon nga makabulig sa ila mismo kabarangay.
Sa superbisyon sang PESO-Roxas City, ginbululigan sang 35 tanan ka DOLE TUPAD beneficiaries ang pagpatindog sang kaugalingon nga puluy-an ni Nanay Manuela Clavines nga nagaedad na sang 87 anyos. Barangay Dumulog nga nangin emosyonal sa iya bag-o nga puluy-an.
Sa sulod lamang sang isa ka adlaw, nahuman ang ilistaran ni Nanay Manuela nga iya gid ginapasalamatan. Magamay lang ini apang kumportable nga istaran sang isa ka senior citizen. Kita sa City Government amo ang nagpadala sang mga materyales nga gingamit sa konstruksyon.
Guinapasalamatan ko ang DOLE, PESO-Roxas kag mga TUPAD beneficiaries nga wala nagpang-alang-alang nga maghatag sang serbisyo agud mabuligan si Nanay Manuela.