Kita gid ang kalipay sa mata sang mga miyembro sang Bago Farmers Association kag Adlawan Farmers Association sang personal ta nga ginturn-over ang Rice Combine Harvester nga ginhingyu ni Governor Fredenil Oto Castro paagi sa DA-PhilMech Program. Ila gid ini ginapasalamatan kay makabulig ini padasig kag pahupos sa ila pag-ani.
Total ari naman ang tanan nga mangunguma nagpatigayon nalang kami dayon sang Consultation Dialogue. Maayo ini kay direkta ko gid nabatian ang ila sentimyento. May mga mangunguma pa nga wala nakarehistro sa Crop Insurance, wala garahe sa ila makinarya kag bodega sa patubas. Mangita kita remedyo agud masolusyunan ini kag mapahagan-hagan ang halit sang baha sa ila pananum.
Kinahanglan ta sila buligan agud mag-ayo ang ila sitwasyon bangud kon indi basi mag-abot ang tion nga wala na sang gusto mag-uma kay pirme lang kapirdihan ang maagum nila.