Isa ka libo ka pamilya sa Roxas City nga biktima sang Bagyo nga Paeng ang ginhatagan sang ayuda sang USWAG ILONGGO PARTYLIST pinaagi sa DSWD subong nga adlaw.
Nagbaton sang tig-2,000 nga bulig-pinansyal ang 1000 ka benepesaryo halin sa Barangay Barra, Dayao, Culasi, Cagay kag Libas, Baybay, Culajao, Dumolog, Olotayan, Punta Cogon, Talon, Tiza, Barangay I, X, Cabugao, Inzo, Jumaguicjic, Lanot, Lonoy, Punta Tabuc kag Tanque.
Daku gid ang akon pagpasalamat kay Congressman Jojo Ang sa iya pagdumdom sa aton kag iya gid gintuman ang iya promisa nga magabalik-balik siya sa Roxas City agud magpaabot sang bulig kabaylo sang aton suporta sa Uswag Ilonggo.
Magluwas sa bulig sa biktima sang Paeng, nagpain man si Cong. Jojo sang 3 milyunes pesos nga Aid to Individual in Crisis Situation (AICS) Program para sa medical kag financial assistance sang mga pumoluyo sang Roxas City nga nagamasakit, naospital kag nagakinahanglan.
-MAYOR RONNIE DADIVAS