Ginhingagaw naton nga makapadala sang bulig sa mga taga-Sitio Proper, Dulunan kag Pinaypayan, Bolo nga nataup sang baha ang mga panimalay kaina sang magaaga. May masobra 30 kita ka pamilya nga natugyanan sang ayuda.
Bwas nga adlaw magapadayon ang relief operation sa mga narekord nga apektado nga wala pa matagaan sa Bolo kag Sibaguan.
Sa Dulunan kag Proper wala na baha pero sa mga ulumhan sa Pinaypayan naman nagdulhog ang tubig kag asta subong madalum gihapon. Ginapangamuyo lang namon nga kuntani indi na mag-ulan sang mabaskog subong nga gab-i.
