“Nagapasalamat guid ko kay nakaabot guid man ang ikaapat ko nga rasyon sang 10 kilos. Abi ko gani wala na kay tapos tuig na. Wala guid malipat si Mayor sang amon share ba. Maayo ni kay budlay naman pagginawi subong huh bangud sa Omicron-Omicron,” pahayag sang taga-Cogon.
Ang pagtaas sang kaso sang CoVid-19 indi makapugong sa aton pagdul-ong sang kinahanglan nga bulig sang barangay sa Roxas City labi na subong nga guinpaidalum na sa alert level 3 ang bug-os nga probinsya.
Balik naman kita sa pagpanagtag sang ikaapat nga hugna sang 10-kilos nga bugas sa mga nabilin nga Barangay. Subong nga adlaw guindul-ong ini sa Punta Cogon, Cogon kag Dumolog.
Aton tapuson ang distribusyon sang 10-kilos sa mga wala pa makabaton nga barangay. Magasunod na diri ang guinpasalig naton nga 15-kilos nga bugas para sa kada pamilya.