Bugas kag Good News ang dala naton sa Olotayan subong nga Biyernes gani bisan mabalud ang dagat, ang pagtabok sa isla dayon sa gihapon.
Masobra 300 ka pamilya ang ginhatagan naton sang bugas nga ila kinahanglan labi na subong nga mahina ang panagat bangud sa malain nga panahon.
Kadungan sini ang aton team halin sa nagkalain-lain nga opisina nagpatigayon sang inspeksyon sa pila ka proyekto nga natalana ipatuman sa Olotayan.
Ginlantaw sang aton Chemical Engineer kag Technical Team sang MRWD ang posibilid nga magpahamtang sang Water Filtration System sa isla agud may supesyenti nga kuluhaan sang malimpyo nga tubig-ilimnon kag indi na magbakal sang mahal nga tubig labi na kon tingadlaw. Ang ICT Team nag-check sang lugar nga mahimu takdan sang internet connection nga kinahanglan sa pagtuon sang kabataan. Kadungan sini aton man gin-inspeksyon ang nasunog nga classrooms nga natalana na ipakay-o.
Ang akon misis nga si Joanne nag-upod man sa akon agud personal nga ihatag sa mga Day Care Children ang mga hampangan.
Ini tanan ginatinguhaan ta nga trabahuon agud mapamag-an ang sitwasyon kag mangin masulhay ang pangabuhi sang pumoluyo.
-MAYOR RONNIE DADIVAS
