“Mamala na ang amon talagbasan. Pigado gid abi subong ang pangita. Isa ka kahig isa ka tuka kami halos. Hay tungod may libre naman nga bugas, makatilaw-tilaw naman sang maayo-ayo nga sud-an ang kabataan,” siling sang taga-Baybay.
Nadala na naton liwat sa Baybay ang libre nga tig-15 kilos nga bugas. Diri masobra 2 mil ka pamilya ang nangin resipyenti sang aton programa kag aton nasiguro nga sa masunod nga inadlaw may pagkaon sa ila lamesa.