BUGAS NAG-ABOT NA SA LOCTUGAN
“Gasakit gid ako buot sang makita ko nga inanod na amon pagkabutang sa baha sa Quiabog. Wasak-wasak gid amon balay. Mayad lang nagaalabutan ang bulig labi na ang 15-kilos nga bugas nga kinahanglanon gid namon subong,” siling sang taga-Loctugan.
Batyag naton ang kabudlay nga ginapas-an subong sang Loctuganon labi na ang mga biktima sang baha. Gani ang syudad, pinaagi sa regular naton nga programa, gintinguhaan nga madul-ong na dungan sa Bago kag Adlawan ang 15-kilos nga bugas para sa pumoluyo.
