Bisan mag-mahal man ang baligyaanay sang bugas, ang distribusyon sang bugas nga libre magapadayon agud sa Roxas City wala sang magutuman.
Matam-is ang yuhom sang ginatos ka taga-Bato ang nagsugata sa aton labi na sang ila ginbitbit pauli ang gindala naton nga tig-15 kilos sang libre nga bugas para sa ila pamilya.
“Sa kapigaduhon sang pangabuhi subong, ang makabaton sang libre nga bugas daku gid nga bagay sa amon. Imbes nga magpanumdom kami sang inugdalawat sang bugas, sud-an kag iban nga kinahanglanon sa balay na lang ang pangitaon,” siling sang taga-Bato.
