Masobra 4, 500 ka pamilya sa Baybay kag Culasi ang nahatagan sang bugas nga libre subong nga aga.
Dungan naton nga gindul-ong ang tig-15 kilos nga bugas nga kinahanglanon sang kadamuan sa mga benepesaryo nga temporaryo nga nadulaan sang palangitan-an bangud pila ka adlaw na nga malain ang tiyempo.
“Panagat man lang ang amon pangabuy-anan, ugaling pila ka adlaw nga indi kami makapalawod, indi man ka-extra bulad. Hay bisan bugas wala na kami inugbakal. Pasalamat gid kami nga subong gindala ni Mayor sa amon. Tugma niya gid amon kinahanglanon,” siling sang taga – Baybay.
