Nahidlaw man kita magbalik sa Culajao gani kaina didto kita nagbisita dala ang bugas para sa kapin 500 naton ka kasimaryo.
Kabalo kami nga sa bilog nga Roxas amo ini ang nagapanguna nga kinahanglan labi na sa pagtaas sang presyo sang bugas sa merkado. Importante sa aton nga masiguro nga sa pihak sini tanan, wala sang magutoman sa syudad.
“Diri sa amon sa Culajao mahal-mahal na gid ang bugas tag- 65 na ang kilo ! Ginhawa nalang namon ka medyos makadalawat lang bugas. Mayad lang gid kay nagaabot ang libre nga 15 kilos nga bugas ni Mayor. Kon wala ni, mantinir gid kami basa-basa,” sunu sa taga-Culajao.