Naghugyaw ang Culajao sa doble nga grasya nga ila nabaton subong nga adlaw. Apektado man sang Red Tide ang pangabuy-anan sang pila ka pamilya, may nagaabot gihapon nga maayong balita pareho sang libre nga tig-15 kilos nga bugas para sa masobra 460 ka pamilya.
Mas nagsadya pa gid ang taga – Culajao kay sila ginbisita sang anak sang aton pinalangga nga Senador Mar Roxas, si Paolo Roxas nga nagkadto diri sa aton agud ipaabot ang bulig sang Gerry Roxas Foundation (GRF) sa mga manugpanginhas nga temporaryo nadulaan sang pangabuy-anan.
“Kanami sa pamatyagan nga sa pihak sang kabudlay sang pangabuhi may mga tawo nga nagadumdom sa pagbulig. Kon wala ni ang libre nga bugas ambot lang siguro gamantiner na kami kaon isa ka beses sa isa ka adlaw o lugaw nalang ang pamahaw,” siling sang taga – Culajao.
