Nag-umpisa na subong nga adlaw ang masandukot nga kumpetisyon sang mga atleta sa bilog nga probinsya nga nagapasakup sa 2024 Capiz Provincial Meet. Nagtambong kami sa opisyal nga pagbukas sang hinampang kaina agud maghatag inspirasyon kag ipabutyag ang aton suporta sa bug-os nga delegasyon.
Sa aton mga atleta nga nagapasakup sa 2024 Capiz Provincial Meet anuman ang resulta sang hampang daug man o pirde, ang importante may matun-an kamo sa inyo eksperyensya kag nakaangkon sang opurtunidad nga mapakita ang inyo talento kag abilidad.
Ang City Government kaupod ang Provincial Government kag pribado nga sektor nagabuligay agud mahatag ang nagakaigo nga suporta sa mga atleta nga magarepresentar sa aton syudad kag probinsya sa regional, national kay iban pa nga kumpetisyon.
Kaupod naton sa pagbukas sang Provincial Meet Sanday Capiz DepEd Schools Division Superintendent Dr. Miguel Mac Aposin, DepEd Roxas City Division Superintendent Dr. Roel Bermejo kag Board Member Thea Faith Reyes, SP Chairperson sang Committee on Education.
-MAYOR RONNIE DADIVAS
