Nagpatigayon kaina sang 2nd Quarter Meeting ang mga katapo sang City Peace and Order Council kag City Anti-Drug Abuse Council agud hinalaan ang updates sa kalinong kag katawhay sang Roxas City kag mga tikang sa pagtapna sang ilegal nga droga.
Ini nga meeting ginpangunahan ni City Council Gary Potato kag CLGOO Ginno Salamanca. Isa sa ginhatagan pagtamod ang pagdihon sang pamaagi agud malikawan ang pagdamo sang kaso sang index crimes kag pagpang-abuso sa kabataan kag kababaihan sa ila kaugalingon nga puluy-an subongman ang padayon nga pagtinguha sang CADAC nga may drug-cleared na ang 47 ka kabarangayan. Subong may ara pa lang kita sang 17 ka drug cleared areas kag nakalinyada naman ang iban pa nga kabarangayan.
