May tatlo naman kita ka Certified Centenarians sa Roxas City. Kaina nabaton na nanday Lola Gloria Adricula sang Bolo, Lola Emilia Bolano sang Barangay I kag Lolo Bermegeldo Delena sang Tanza ang ila tig-100,000 pesos nga insentibo halin sa DSWD nga makabig premyo sa pag-abot nila sa edad nga 100.
Personal sila nga ginkadtuan kaina sang DSWD upod si Vice Mayor Inday Teresa Almalbis nga nagrepresentar sa akon.
Nalipay ako nga mahibaluan nga sa pihak sang ila edad mabakud pa ang aton mga centenarians kag pwede pa nila ma-enjoy ang insentibo nga nagakadapat gid sa ila.
Kabay nga madamo pa kita sang katigulangan nga makaabot sini nga edad kag pinakaimportante sa tanan wala sang sakit nga ginaantos.
