Aton ginhatagan sang pasidungog kag pagkilala ang 9 ka Roxasnon Taekwondo Jins sang Venancio Taekwondo Academy nga naghakot sang 14 ka Gold Medals kag 4 ka Bronze Medals sa 6th Heroes International Open Championships sa Bangkok, Thailand.
Bilib gid ako sa ila nangin kadalag-an nga naghatag kadungganan indi lang sa Roxas City kag Capiz kundi sa bilog nga Pilipinas.
Congratulations Pierre Dominique Rae Rose, Joaquim Cerujano, Joshua Lopez, Merishka Rainne Ablao, Jonna Fe Lachica, Alexandria Deniese Eusalan, Anna Regina Alfaro, Bless Nolino kag sa pinakabata nga gold medalist, ang 4 year old nga si James Nino Venancio.
Salamat Venancio Taekwondo Academy, Adorico kag Joven Venancio sa padayon nga paghanas sang mga delikadad nga atleta nga makabato kag makadaug sa international nga lebel.
Congratulations man sa mga ginikanan. Saligan ninyo ang suporta sang syudad sa masunod nga mga kumpetisyon nga inyo pasakupan. Padayon kita sa paghatag Bugal sa Roxas City!
-MAYOR RONNIE DADIVAS
