Sa Disyembre mas masadya pa gid nga Sinadya ang inyo ma-eksperyensyahan sa Roxas City.
Setyembre pa lang aton na ginaplanuhan ang selebrasyon sang Kapistahan ni Birhen Maria sang Inmaculada Concepcion.
Nag-meeting na kami upod si Capiz Archbishop Most Reverend Msgr. Victor B. Bendico, Msgr. Freddie Billanes sang Immaculate Conception Metropolitan Cathedral, Roxas City Tourism Officer Bryan Argos, Ms. Cheryl Anne del Rosario sang Ang Panublion Museum, Ms. Janice Zaldarriaga sang CIFPA kag Fr. Dedert Duarte agud maplanuhan sang maayo kag malinyada ang mga aktibidades nga pangunahan sang syudad kag simbahan.
Madamo kami sang surpresa sa inyo nga sigurado maga-enjoy ang bilog nga pamilya samtang aton ginapasidunggan si Birhen Maria, ang aton Patron sa Roxas City.
-MAYOR RONNIE DADIVAS
