Kadungan sang ika-76 anyos nga anibersaryo sang pagtaliwan ni anay Presidente Manuel Acuña Roxas ginbuksan sang Ang Panublion Museum ang A Republic is Born: A President Manuel A. Roxas Exhibit.
Sa sini nga exhibit ginpakita ang mga inaugural items, mga dokumento, litrato kag iban pa nga kagamitan nga gingamit sang si Presidente Manoling pa ang Presidente. Ginapasundayag diri ang mga inaugural items sa deklarasyon sang kahilwayan sang Pilipinas halin sa kamot sang Amerikano kag proklamasyon ni Pres. Manuel Roxas bilang labing una nga Presidente sang bag-o nga Republika sang Pilipinas.
Gin-updan naton si Paolo Roxas, ang apo sa tuhod ni Manoling kag anak ni anay Secretary Mar Roxas sa pagbukas sang exhibit.
