Bangud sa nagahilapit nga Barangay and SK Elections, pila ka mga opisyales ang nag-resign bangud may miyembro sang pamilya nga nagapadalagan. Subong nga aga kaupod si City DILG Officer Ginno Salamanca akon ginpasumpa si Kagawad Daphne Abalajon bilang bag-o nga Kapitan sang Barangay 1 tal-us kay Kapitan Martin Antonio Pimentel.
Aton man ginpasumpa bilang bag-o nga Sangguniang Kabataan Chairman sang Barangay Punta Tabuc si Jerico Flaga. Siya amo ang nagbulos sa nabakante nga posisyon ni anay SK Chairperson RJ Apolinario. Sila gin-updan sang mga opisyales sa nagkatuhay nila nga barangay.
Ginalauman ko nga sa mga binulan nga nabilin antes magpungko ang mga bag-o nga opisyales sa Barangay kag SK, mapakita nila gihapon ang maayo nga performance kag madumalahan sang maayo ang ila nasakupan.
-MAYOR RONNIE DADIVAS
