“Wala gid namon gindahum-dahum ang kadaku sang halit sang baha. Asta subong gasakit dughan ko sa mga naagyan namon, wasak amon mga kagamitan, nagabok amon balay pati mga pananum sa uma nga inutangan man lang urot gid anod,” siling sang taga-Pangpang, Bolo.
Salamat DSWD sa paghatag sang ayuda sa mga tuman nga nahalitan sang Bagyo nga Paeng sa Roxas City, mga nadulaan kag nawaskan sang puluy-an, pagkabutang kag pangabuy-anan. 1,030 ka pamilya halin sa Bolo, Bato, Barangay 7 kag Milibili ang nahatagan sang bulig-pinansyal ngamakabulig na bisan paano sa ila pagbangon kag kinahanglanon.
