Ang gobierno nasyunal pinaagi sa Department of Trade and Industry (DTI) kag Department of Social Welfare and Development Office (DSWD) naghatag sang ayuda sa 29 ka Micro Rice Retailer sa Roxas City nga naapektuhan kag nagtuman sa Executive Order (EO) No. 39 (Rice Price Cap) ukon ang price ceiling sa baligyaanay sang regular kag well-milled nga bugas sa merkado.
Ini nga mga micro rice retailers sa TATC ang na-monitor nga nagsunod sa mando sang National Government nga ipabilin sa
P41 ang kada kilo sang regular-milled rice kag P45 kada kilo naman ang well-milled rice.
Ang ila cash assistance daku na nga bulig agud indi mapiyerde ang ila negosyo nga bugas samtang ginaproteksyunan man sang aton gobierno ang interes sang bumalakal nga nabudlayan na sa tuman nga pagtaas sang presyo sang ginadalawat nga bugas.
Gin updan naton sa distribusyon sang financial assistance sanday DSWD Assistance Regional Director for Administration Director Joselito Estember, DTI Provincial Director Ken Queenie R. Cuñada, Vice Governor James Mitang Magbanua kag iban pa nga opisyales.
