Aton subong ginabululigan ang pagplastar sa mga kasimanwa naton nga biktima sang sunog sa temporaryo nga evacuation center sa Rufina Andrada Santos Memorial School.
Luyag namon siguruhon nga may ara sila sang matulugan kag mahatag naton ang mga nagapanguna nila nga kinahanglanon halin sa pagkaon, family kits, sleeping kits, hygiene kits, kitchen kits kag iban pa.
Kami sa City Government nagapasalig nga aton gid tinguhaan nga mapangitaan sila sang ilistaran kag iban pa nila nga kinahanglan sa bulig sang nagkatuhay nga ahensya sang gobierno.
Luyag ko gid pasalamatan ang mga kasimanwa naton nga boluntaryo nga nagpaabot sang ila bulig sa mga nasunugan. Sa aton mga kasimaryo sa Barangay, magpakabakud lang kamo kag magpangamuyo. Magbuligay kita tanan, malampuwasan naton ini.
-MAYOR RONNIE DADIVAS
