Roxas City resipyenti sang gindonar nga ambulansya halin South Korea
Maayo nga balita para sa Roxas City!
Si Acting Roxas City Fire Marshall FCINSP Jesus Valenzuela nagpahibalo sa aton nga ang Bureau of Fire Protection Regional Office 6 naghatag sa BFP-Roxas kag City Government sang duha ka ambulansya kabahin sa 10 ka ambulansya nga gindonar sa ila sang Korea Fire Industry Association.
Kumpleto ini sa kagamitan nga kinahanglan gid sang BFP kag sang aton rescue teams sa pagresponde sa tion sang emerhensya. Salamat gid Korea Fire Industry Association and BFP.