Nagbukas na ang Project Alat Exhibition and Art Workshops sa Ang Panublion Museum subong nga adlaw. Sa ikatlo ka tuig sang Project Alat nagpasundayag sang mga matahum nga obra/paintings ang mga bataon apang talentado nga mga artists sa Western Visayas nga sanday Louell James Guia nga aton kasimanwa, Maddie sang Aklan, Kenna Jean Tulio-Catalan sang Iloilo kag Jaiza Valera-Laude sang Antique.
Sila nagpadulong gid diri sa Roxas City agud magkuha inspirasyon sang ila obra sa kabuhi sa aton baybayon.
Magluwas sa Art Exhibition nga magadugay tubtob Hulyo 22 may ara man sang Acrylic Art Workshop sila nga patigayunon.
