Kita nagapakig-upod sa selebrasyon sang Season of Creation sang Archdiocese of Capiz nga may tema “Let Justice and Peace Flow.” Kadungan sang selebrasyon ila ginpatigayon ang Coastal Cleanup Drive sa Libas Fishing Port kag Orientation on Waste Management and Audit.
Ini nga hilikuton sang simbahan nagapahanumdom sa tanan nga padayon nga magpangamuyo bilang isa ka komunidad kag maghulag sa pag-amlig sa aton palibot.
Nagpanguna sa aktibidad si Rev. Fr. Edsel Delfin sang St. Peter the Apostle Mission Station kag gin-updan sang mga katapo sang Capiz Archdiocesan Social Action Center/Caritas Capiz, Laudato Si’ Warriors, Basic Ecclesial Communities, Caritas Italiana Volunteers, Barangay Council, BHW’s kag iban pa.
