Kaina sang maga-aga, tatlo ka pamilya ang nadulaan sang puluy-an matapos nga gintupok sang kalayo ang ila panimalay sa Sitio Suol, Barangay Tanque.
Ginbisitahan naton agud makumusta kag mahibaluan ang ila sitwasyon sang pamilya nanday Manong Rufino Macariola, Ronito Fabiana kag Wilson Ombas. Agud mapahagan-hagan ang ila kalisod sa pagkadula sang ila pagkabutang naghatag ang syudad sang bulig-pinansyal agud may galastuhon sila samtang ara sa evacuation center. Gintugyan man naton ang mga food packs, shelter kits, hygiene kits kag iban pa nga non-food items halin sa DSWD.
“Sa tion sang krisis matuod gid nga wala nagapabaya si Mayor. Mabudlay mag-umpisa kon ubos-ubos ka gid pati ang ginagamit namon sa pangabuy-anan nadala sa sunog. Mayad lang ang bulig sang syudad madasig nga nagtupa.” siling sang isa ka fire victims.
