Kaina sang magaaga, isa ka sunog ang nagluntad sa Barangay Tiza nga nagtupok sa tatlo ka panimalay kag tanan sa ila ginpondar nga pagkabutang. Kaupod sang mga katapo sang Bureau of Fire Protection kag volunteers gilayon nga nagresponde ang aton CDRRMO – RCERT kag CSWDO sa pag-alalay sa mga biktima sang sunog.
Kaina liwat nga nagpadulong sa nasunugan ang aton team sa pagdul-ong sang pauna nga bulig sang syudad sa pamilya Albay kalakip diri ang food packs, hygiene kits kag iban pa nga importante nila nga kinahanglanon. Sila aton man igapaidalum sa Psychosocial Intervention.
Lauman sang nasunugan nga pamilya nga ang City Government magahatag sang dugang nga ayuda agud makabulig sa ila nga pagbangon kag pagpatindog sang puluy-an.