Naimbitahan kita nga mag-upod sa Bisita Be My Guest Program Launch sa Western Visayas sang Department of Tourism.
Isa ini ka travel incentive program sang DOT nga nagaimbitar sa mga OFWs kag former Filipinos nga mag-agda sa ila mga foreigner nga abyan, kakilala o kapamilya nga magbiyahe sa Pilipinas agud ila makita kag ma-eksperyensyahan ang matahum nga atraksyon, turismo, mainit nga pagbaton kag pagpalangga sang Pinoy sa sa aton pungsod.
Ang BBMG Western Visayas Launch ginpangunahan ni Atty. Mae Elaine T. Bathan, Usec for Legal and Special Concerns nga nagrepresentar kay DOT Secretary Maria Esperanza Christina Garcia Frasco upod sanday Usec Shalimar-Hofer Tamano, Usec for Tourism Regulation Coordination and Resource Generation, Undersecretary Myra Paz Valderrosa-Abubakar, Usec Ferdinand C. Jumapao kag Asec Maria Rica C. Bueno.
Ini nga launching ginpatigayon dungan man sa pagtakup sang Central Philippines Tourism Expo (CPTEx) 2023 nga ginpasakupan sang Roxas City nga nagatuyo nga mas makaganyat sang madamo nga turista para sa madasig nga economic recovery pagkatapos sang pandemya.
Nakahinun-anon man kami sa panyaga upod ang mga DOT Regional Directors kag alkalde sa pila ka kabanwahanan sa Western Visayas sa diin aton ginpaabot sa ila ang imbitasyon sa pagkadto sa Roxas City kag mga programa naton sa turismo.
