Ang aton regalo sa aton syudad, kaluwasan kag seguridad sang pumoluyo.
Kadungan sang selebrasyon sang Kaadlawan ginpatigayon naton ang Blessing kag Inagurasyon sang Roxas City Emergency Operation Center (EOC).
Ang aton EOC magaserbi nga Command Center nga nahamtangan sang mga moderno nga equipment para sa mas madasig nga pagrespondi sa tion sang emerhensya kag kalamidad. Ang mga High Resolution Cameras sa mga CCTV nga nahamtang sa 47 ka strategic/critical nga lugar direkta nga nakakonekta sa aton command center.
Kaupod naton sa inagurasyon ang aton kasimanwa nga si Paolo Roxas, Congressman Tawi Billones, Office of the Civil Defense Region 6 Director Ruel Fernandez, aton mga partner sa national agencies, City kag Provincial Government Officials kag iban pa.
