Matapos nga aton buksan ang bag-o nga Sanitary Landfill Cell 2 sa San Jose aton man nga ginpatigayon ang blessing kag pormal nga pagbaton sang 6 ka mga brand new nga garbage trucks kag road roller (pison) nga ginbakal sang syudad.
Ini nga mga equipment ang aton pagagamiton agud mapadasig pa gid ang koleksyon sang basura sa syudad kag mas mapaayo ang operasyon sang aton sanitary landfill.
Kaupod naton sa blessing kag turn-over sanday Vice Mayor Inday Teresa Almalbis kag mga katapo sang Sangguniang Panlungsod, CENRO kag mga Department Heads sa City Government.
Nagtambong sa turn-over sanday Hino-Panay President – CEO Eugenia Aguillon-Chiong kag F & E Group of Companies President Filamie Aguillon nga amo ang nagdaug sa bidding agud magsupply sa aton sang nasambit nga mga kagamitan nga kinahanglan sa pagmentinar sang katinlo sang aton palibot.
