Nagsinapol subong nga hapon ang Capiz Provincial Anti-Drug Abuse Council (CADAC) nga ginapangunahan ni Governor Fredenil Oto Castro kag representante sang nagkalain-lain nga ahensya sang gobierno, academe kag LGU’s agud istoryahan ang estado sang kampanya sang probinsya batuk sa ilegal nga druga.
Ini nga sinapol gintambungan nanday Capiz PNP Director PCOL Jerome Afuyog Jr., Ret. Col. Primo Golingay, Capiz Schools Division Superintendent Dr. Miguel Mac Aposin, Coast Guard Commander Edison Diaz. Nagrepresentar sa akon sa CADAC Meeting si City Councilor Gary Potato.
Padayon nga ginatutukan sang CADAC ang pagpadayon sang drug-clearing operations sa kabarangayan kag pagtapna sa kaso sang ilegal nga druga sa Capiz.
