Ang Capiz State University Dayao Campus, kilala sadto nga Fisheries naghiwat sang ikaapat nga Grand Alumni Homecoming subong nga adlaw agud liwat nga magtililipon ang linibo na ka Alumni sang institusyon.
Upod sa akon amay nga si Former Congressman Roging Dadivas, amon ginapaabot ang pagpanginbulahan sa Alumni sang CAPSU Dayao sa masadya nga selebrasyon sang Grand Alumni Homecoming.
Ang amon pamilya, akon asawa nga si Joanne, mother in law nga si Chat, mga in laws nga si Chad kag Leah, Che-Che, nagbaton sa pasidungog kag pagkilala nga ginhatag sa akon ugangan nga si Raffy del Rosario. Sya isa ka outstanding nga Alumnus sang CAPSU, “Anak sang Fisheries” halin sa Class 1964/65/66 bangud sa iya pagtinguha nga makabulig sa eskwelahan kag komunidad sa kutob sa iya masarangan.
Si Joanne ang nagserbi nga keynote speaker sa Grand Alumni Homecoming kag sya man sa liwat nagpaabot sang apresasyon sa padayon nga pagdumdom sa kabuhi kag paghatag sang Memorial Recognition Award sa ila amay.
Salamat sa imbitasyon Dr. Herminia B. Gomez, President CAPSU Dayao Alumni Association kag Dr. Sebastian C. Caduco Director CAPSU Dayao Satellite College.
-MAYOR RONNIE DADIVAS
