Roxas City’s Don Ynocencio del Rosario National High School – 4th Place Winner sa Maragtas sang Capiz Cultural Dance Competition.
Pakig-abyan: The Dungan and the Blood Compact in Capiz.
Ang dungan isa ka pwersa nga ginapatihan sang mga Kapisnon nga amu ang kabangdanan sang estado sang kada tawo. May malain kag maayo nga dungan. Ang maayo nga dungan ginahalinan sang kaayuhan kag ang malain nga dungan ginahalinan sang kalainan.
Ginpasundayag sang Roxas City ang sinang una nga sugilanon ni Aswang kag ni Agurang kun sa diin si Aswang kag iya mga tinuga nagarepresentar sang malain nga dungan kag si Agurang naman nagarepresentar sang maayo nga dungan.
Ang dungan nagatabok sa tion kag wala pagka dula, gani malain nga dungan ang nag impluwensya sa mga moros para abusaran ang aton mga sinanguna nga kasimanwa,kag ang maayo nga dungan amu ang nagtulod sa ila nga magsandugo sa mga Katsila para ma depensahan ang ila kaugalingon sa mga moros kag malambot ang kahilwayan.
