Kadungan sang selebrasyon sang ika – 106 anyos nga Founding Anniversary sang Capiz State University ginpatigayon sang CAPSU ang PAGPASIDUNGOG 2023, ang pagkilala sa mga Capsunian Achievers nga naghatag DUNGOG sa CAPSU.
Sa sini nga seremonya ginhatagan sang DUNGOG SA PASINAWAN Award si Engr. Christian D. Huenda nga nangin 3rd Placer, September 2023 Registered Electrical Engineers Licensure Examination kaupod ang 15 pa ka bag-o nga Electrical Engineers nga nakapasar sa nasambit nga pasinawan.
Nakabaton man sang Dungog sa Pagserbisyo Award ang mga Service Awardees kag Retirees sang unibersidad nga nagssrbisyo sang indi magnubo sa 10 ka tuig tubtob 40 anyos. Ginhatagan man sang Dungog sa Kadalag-an Award ang mga Faculty and Student Achievers kag
SCUAA Athletes sang CAPSU nga naghakot sang medalya sa nasambit nga kumpetisyon.
Nagrepresentar sa akon sa Pagpasidungog 2023 si Ms. Cheryl Anne del Rosario kag nagpaabot sang pagpanginbulahan sang syudad sa mga Achievers sang Capiz State University nga naghatag sang kadungganan indi lang sa unibersidad kundi sa bilog nga syudad sang Roxas kag probinsya sang Capiz.
-MAYOR RONNIE DADIVAS
