Ginpresentar sa aton sang mga katapo sang Capsu-Burias Campus sa pagpanguna nanday Dr. Efren L. Linan, VP for Research, Development and Extension kag Capsu Burias Administrator Rodyard Madiclum ang Biomass-Fired Fish Dryer nga panibag-o nga teknolohiya sa pagbulad sang uga nga proyekto nila kag sang DOST-TAPI.
Nalipay ako nga ang Roxas City ang ila napilian nga patigayunan sang pilot testing kag market study partikular ang Barangay Dumolog.
Ginhinalaan man namon ang potensyal nga partnership sang City Government sa ila kag sa DOST sa tion nga makita naton nga makabulig ini nga makapasanyog sang aton dried fish industry.
